Institutionum libri
Ex libro IV
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Dig. 5,2,2Marcianus libro quarto institutionum. Hoc colore inofficioso testamento agitur, quasi non sanae mentis fuerunt, ut testamentum ordinarent. et hoc dicitur non quasi vere furiosus vel demens testatus sit, sed recte quidem fecit testamentum, sed non ex officio pietatis: nam si vere furiosus esset vel demens, nullum est testamentum.
Marcian. lib. IV. Inst. Wegen lieblosen Testaments klagt man unter dem Anstrich, als wenn [die Testatoren] nicht verstandesmächtig gewesen wären, da sie das Testament errichteten. Dies wird nicht so verstanden, als wenn der Testator wirklich wahnsinnig oder verstandeslos gewesen sei, sondern er hat zwar ein richtiges Testament gemacht, aber nicht aus dem Gesichtspunct der Liebe gegen seine nächsten Verwandten; denn wenn er wirklich wahnsinnig oder verstandeslos gewesen wäre, so ist das Testament nichtig.
Dig. 5,2,30Marcianus libro quarto institutionum. Adversus testamentum filii in adoptionem dati pater naturalis recte de inofficioso testamento agere potest. 1Tutoribus pupilli nomine sine periculo eius, quod testamento datum est, agere posse de inofficioso vel falso testamento divi Severus et Antoninus rescripserunt.
Marcian. lib. IV. Instit. Gegen das Testament eines in Annahme an Kindes Statt gegebenen Sohnes kann der leibliche Vater mit Recht wegen Lieblosigkeit Klage erheben. 1Dass Vormünder in des Unmündigen Namen ohne Gefahr dessen, was ihnen in einem Testament gegeben worden, wegen dessen Lieblosigkeit oder Verfälschung klagen können, haben die Kaiser Sever und Antonin [an selbige] verordnet.
Dig. 28,1,13Marcianus libro quarto institutionum. Qui a latronibus capti sunt, cum liberi manent, possunt facere testamentum. 1Item qui apud externos legatione funguntur, possunt facere testamentum. 2Si quis in capitali crimine damnatus appellaverit et medio tempore pendente appellatione fecerit testamentum et ita decesserit, valet eius testamentum.
Übersetzung nicht erfasst.
Dig. 28,5,49Marcianus libro quarto institutionum. His verbis: ‘Titius hereditatis meae dominus esto’, recte institutio fit. 1Illa institutio valet: ‘filius meus inpiissimus male de me meritus heres esto’: pure enim heres instituitur cum maledicto et omnes huiusmodi institutiones receptae sunt. 2Interdum nec cum libertate utiliter servus a domina heres instituitur, ut constitutione divorum Severi et Antonini significatur, cuius verba haec sunt: ‘servum adulterii accusatum non iure testamento manumissum ante sententiam ab ea muliere videri, quae rea fuerit eiusdem criminis postulata, rationis est’. quare sequitur, ut in eundem a domina collata institutio nihil momenti habeat. 3Si in patre vel patria vel alia simili adsumptione falsum scriptum est, dum de eo qui demonstratus sit constet, institutio valet.
Übersetzung nicht erfasst.
Dig. 28,6,36Marcianus libro quarto institutionum. Potest quis in testamento plures gradus heredum facere, puta: ‘si ille heres non erit, ille heres esto’, et deinceps plures, ut novissimo loco in subsidium vel servum necessarium heredem instituat. 1Et vel plures in unius locum possunt substitui vel unus in plurium vel singulis singuli vel invicem ipsi qui heredes instituti sunt.
Übersetzung nicht erfasst.
Dig. 28,7,14Marcianus libro quarto institutionum. Condiciones contra edicta imperatorum aut contra leges aut quae legis vicem optinent scriptae vel quae contra bones11Die Großausgabe liest bonos statt bones. mores vel derisoriae sunt aut huiusmodi quas praetores improbaverunt pro non scriptis habentur et perinde, ac si condicio hereditati sive legato adiecta non esset, capitur hereditas legatumve.
Übersetzung nicht erfasst.
Dig. 28,7,16Marcianus libro quarto institutionum. ‘Si Titius heres erit, Seius heres esto: si Seius heres erit, Titius heres esto’. Iulianus inutilem esse institutionem scribit, cum condicio existere non possit.
Übersetzung nicht erfasst.
Dig. 29,1,22Marcianus libro quarto institutionum. Miles filius familias si capite minutus fuerit vel emancipatus vel in adoptionem datus a patre suo, testamentum eius valet quasi ex nova voluntate.
Übersetzung nicht erfasst.
Dig. 29,2,52Marcianus libro quarto institutionum. Cum heres institutus erat filius et habebat patrem furiosum, in cuius erat potestate, interponere se suam benivolentiam divus Pius rescripsit, ut, si filius familias adierit, perinde habeatur atque si pater familias adisset, permisitque ei et servos hereditatis manumittere. 1Qui ex parte heres institutus est pure, ex parte sub condicione solus, etiam pendente condicione, si adierit hereditatem, ex asse heres erit, quia solus heres futurus est omnimodo, nisi habeat in condicionalem partem substitutum.
Übersetzung nicht erfasst.
Dig. 36,1,30Marcianus libro quarto institutionum. Si quis priore facto testamento posterius fecerit testamentum, etiamsi ex certis rebus in posteriores tabulas heredes instituit, superius tamen testamentum sublatum est, ut divi quoque Severus et Antoninus rescripserunt, cuius constitutionis verba rettuli, cum alia quoque praeterea in constitutione expressa sunt. ‘imperatores Severus et Antoninus Cocceio Campano. testamentum secundo loco factum, licet in eo certarum rerum heres scriptus sit, iure valere, perinde ac si rerum mentio facta non esset, sed teneri heredem scriptum, ut contentus rebus sibi datis aut suppleta quarta ex lege Falcidia hereditatem restituat his, qui priore testamento scripti fuerant, propter inserta fideicommissaria verba, quibus ut valeret prius testamentum expressum est, dubitari non oportet’. et hoc ita intellegendum est, si non aliquid specialiter contrarium in secundo testamento fuerit scriptum.
Übersetzung nicht erfasst.
Dig. 49,14,31Idem libro quarto institutionum. Divus Commodus rescripsit obsidum bona sicut captivorum omnimodo in fiscum esse cogenda:
Übersetzung nicht erfasst.