Ad Massurium Sabinum libri
Ex libro XV
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Dig. 11,7,19Ulpianus libro quinto decimo ad Sabinum. ideoque etiam dos sentire hoc aes alienum debet.
Dig. 26,2,5Ulpianus libro quinto decimo ad Sabinum. Si quis filiabus suis vel filiis tutores dederit, etiam postumae videtur dedisse, quia filiae appellatione etiam postuma continetur.
Dig. 28,4,1Ulpianus libro quinto decimo ad Sabinum. Quae in testamento legi possunt, ea inconsulto deleta et inducta nihilo minus valent, consulto non valent: id vero quod non iussu domini scriptum inductum deletumve est, pro nihilo est. ‘legi’ autem sic accipiendum non intellegi, sed oculis perspici quae sunt scripta: ceterum si extrinsecus intelleguntur, non videbuntur legi posse. sufficit autem, si legibilia sint inconsulto deleta sive ab ipso sive ab alio, sed nolentibus. ‘inducta’ accipiendum est et si perducta sint. 1Quod igitur incaute factum est, pro non facto est, si legi potuit: et ideo, etsi novissime, ut solet, testamento fuerit adscriptum: ‘lituras inductiones superductiones ipse feci’, non videbitur referri ad ea quae inconsulto contigerunt. proinde et si inconsulto superscripsit induxisse se, manebunt et si ademit, non erunt adempta. 2Sed si legi non possunt quae inconsulto delata sunt, dicendum est non deberi, sed hoc ita demum, si ante consummationem testamenti factum est. 3Sed consulto quidem deleta exceptione petentes repelluntur, inconsulto vero non repelluntur, sive legi possunt sive non possunt, quoniam, si totum testamentum non exstet, constat valere omnia quae in eo scripta sunt. et si quidem illud concidit testator, denegabuntur actiones, si vero alius invito testatore, non denegabuntur. 4Et hereditatis portio adempta vel tota hereditas, si forte sit substitutus, iure facta videbitur, non quasi adempta, quoniam hereditas semel data adimi facile non potest, sed quasi nec data. 5Si quis codicillos in testamento confirmavit et codicillis aliquid adscripsit, mox delevit ita ut appareat, an debeatur? et Pomponius scribit codicillos deletos non valere.
Übersetzung nicht erfasst.
Dig. 30,14Ulpianus libro quinto decimo ad Sabinum. Si ita sit adscriptum: ‘si cui legavero bis, semel heres ei dato’ vel ‘ut semel debeatur’, et eidem duas quantitates adscripserit vel duos fundos, an utrumque debeatur? et ait Aristo unum videri legatum: nam quod ademptum est, nec datum videri secundum Celsi et Marcelli sententiam, quae vera est. 1Sed Papinianus libro nono decimo quaestionum ait etsi post legata saepius adscripta idem hoc subiecit semel praestari velle et hoc ante impletum testamentum fecerit, ipso iure videri cetera legata adempta. sed quo magis erit ademptum? non enim apparet. et ait posse dici exiguius esse praestandum.
Übersetzung nicht erfasst.
Dig. 30,17Ulpianus libro quinto decimo ad Sabinum. Qui filiabus legavit, si mentionem aliqua parte testamenti postumae fecit, videtur in filiarum legato et de postuma sensisse. 1Si quis ita legaverit: ‘si qua filia mihi genitur, ei heres meus centum dato’, pluribus natis videtur singulis tantundem legasse: quod ita accipiendum est, nisi evidens sit contraria sententia testatoris. 2Si uni ex heredibus fuerit legatum, hoc deberi ei officio iudicis familiae herciscundae manifestum est: sed et si abstinuerit se hereditate, consequi eum hoc legatum posse constat.
Übersetzung nicht erfasst.
Dig. 30,19Ulpianus libro quinto decimo ad Sabinum. Legata inutiliter data Papinianus putat libro quaestionum confirmari per repetitionem, id est per hanc scripturam postea forte in codicillis factam: ‘hoc amplius ei heres meus dato’, et diversum esse in illa scriptura: ‘quas pecunias legavi, quibus dies adpositus non est, annua bima trima die heres meus dare damnas esto’: non enim hoc egisse testatorem, ut confirmaret quae inutilia sunt, sed ut diem utilibus prorogaret. 1Idem eodem loco et in substituto impuberis scribsit, ut, si fuerit ab impubere inutiliter legatum, substitutus hoc debeat, si ‘hoc amplius’ legatum ab eo sit relictum aliquid nec ille patri heres exstiterit et decesserit. 2In legato pluribus relicto si partes adiectae non sunt, aequae servantur.
Übersetzung nicht erfasst.
Dig. 30,21Ulpianus libro quinto decimo ad Sabinum. Grege legato et quae postea accedunt ad legatarium pertinent.
Übersetzung nicht erfasst.
Dig. 36,1,19Idem libro quinto decimo ad Sabinum. In fideicommissaria hereditatis restitutione constat non venire fructus, nisi ex mora facta est aut cum quis specialiter fuerit rogatus et fructus restituere. 1Plane fructus in quartam imputantur, ut est et rescriptum. 2Quotiens quis rogatur hereditatem restituere, id videtur rogatus reddere, quod fuit hereditatis: fructus autem non hereditati, sed ipsis rebus accepto feruntur. 3Si legatum sit heredi relictum et rogatus sit portionem hereditatis restituere, id solum non debere eum restituere, quod a coherede accepit: ceterum quod a semetipso ei relictum est, in fideicommissum cadit: et id divus Marcus decrevit.
Übersetzung nicht erfasst.
Dig. 36,2,2Ulpianus libro quinto decimo ad Sabinum. Si pure sit usus fructus legatus vel usus vel habitatio, neque eorum dies ante aditam hereditatem cedit neque petitio ad heredem transit. idem et si ex die sit usus fructus relictus:
Übersetzung nicht erfasst.
Dig. 37,9,9Ulpianus libro quinto decimo ad Sabinum. Cum venter mittitur in possessionem, quod in ventris alimenta deminutum est detrahitur velut aes alienum.
Übersetzung nicht erfasst.
Dig. 38,1,5Ulpianus libro quinto decimo ad Sabinum. Si quis operas sit stipulatus sibi liberisque suis, etiam ad postumos pervenit stipulatio.
Übersetzung nicht erfasst.
Dig. 50,16,164Ulpianus libro quinto decimo ad Sabinum. Nomen ‘filiarum’ et in postumam cadere quaestionis non est, quamvis ‘postumae’ non cadere in eam, quae iam in rebus humanis sit, certum sit. 1‘Partitionis’ nomen non semper dimidium significat, sed prout est adiectum. potest enim iuberi aliquis et maximam partiri: posse et vicensimam et tertiam et prout libuerit. sed si non fuerit portio adiecta, dimidia pars debetur. 2‘Habere’ sicut pervenire cum effectu accipiendum est.
Ulp. lib. XV. ad Sabin. Dass der Name Tochter auch auf eine nachgeborene passe, ist keine Frage, obwohl es gewiss ist, dass der Name nachgeborene nicht auf eine solche passe, welche schon auf der Welt ist. 1Der Name Theil (portionis) bezeichnet nicht immer die Hälfte, sondern einen so grossen, als beigefügt ist; es kann nemlich Jemandem geheissen werden, auch den grössten Theil abzutheilen, ebenso auch den zwanzigsten, auch den dritten, und sofort, wie es gutdünkt; aber wenn der Theil nicht hinzugefügt sein sollte, so wird die Hälfte geschuldet. 2Haben ebenso, wie [an Jemand] kommen, verstehen wir so, dass es mit Erfolg bei ihm ist.
Dig. 50,17,9Ulpianus libro quinto decimo ad Sabinum. Semper in obscuris quod minimum est sequimur.
Ad Dig. 50,17,9BOHGE, Bd. 1 (1871), S. 22: Auslegung zum Nachtheile des Contrahenten, welcher aus dem Vertrage ein Recht auf eine ihm vortheilhaftere Auslegung herleitet.ROHGE, Bd. 7 (1873), S. 1: Auslegung zum Nachtheile des Contrahenten, welcher aus dem Vertrage ein Recht auf eine ihm vortheilhaftere Auslegung herleitet.Ulp. lib. XV. ad Sabin. Bei Dunkelheiten befolgen wir immer Das, was das Geringste ist.